چاپتەرەکێ کومەلا قوتابیێن كيميایا ئەمريکی بۆ جارا ئێکێ ل کۆلیژا زانست - زانکۆیا زاخۆ هاتە ڤەکرن (American Chemical Society-international Student Chapter)

Published Date: Tuesday, 3 December 2024, 19:25

د چارچوڤێ بهێزکرنا پەیوەندیێن زانستی لگەل سازیێن نیڤدەولەتی، پشکا کیمیا ل کۆلیژا زانست و ب هەولێن مامۆستایا پشکێ (سەمیرا  شكر محمد) و ڕاگرا کۆلیژا زانست (د. دیار احمد بلیج )  و قوتابیێن پشکا کیمیایێ، بۆ ئێکەم جار ل زانکۆیا زاخۆ – کۆلیژا زانست کومەلا قوتابیێن کیمیایا ئەمریکی The UoZ Society of
Chemistry Students ( UoZ-ACS - هاتەڤەکرن
ئەڤ چاپتەرە ئێکەم چاپتەرە ل کۆلیژا زانست ل زانکۆیا زاخۆ و بۆ جارە بهێتە ڤەکرن ل کۆلیژا ناڤبری.
ڤەکرنا چاپتەرێ قوتابیێن نیڤدەولەتی ( International Student Chapter ) ل زانکۆیا زاخۆ / کولیژا زانست ئەوا سەر ب ڕێکخراوا  (American Chemical Society)  ب پشكداریكرنا (١٢) قوتابیان بوویە و تێدا  قوتابی بەردەوام پشكداریێ د چالاكیێن زانستی دا دکەت ب مەرەما چارەسەركرنا ئاریشێن جڤاكی و نێزیکبوونا پەیوەندیكرنێ لگەل قوتابییێن نیڤدەولەتی یێن چاپتەرێن وەلاتێن دی. سالانە ڕاپورتێن چالاكیان دێ هێنە هنارتن ژلایێ چاپتەرێ زانكۆیا زاخو ڤە بۆ كۆمەلا ئەمریكی و ژلایێ وانڤە چالاكی دێ هێنە هەلسەنگاندن.
:ACS
سازیەکا ئەکادیمی یا پرۆفیشنالە ل وەلاتێ ئەمریکا هاتیە دامەزراندن، خزمەتکرنا قوتابیێن بیاڤێ كيميایێ و سەرپەرشتێن وان، مەرجێ ئێکانە ژبو ئەندامبوونێ ئەوە، کۆ ئارەزومەند بیت د بیاڤێ کیمیایێ دا و گرنگیێ پێ بدەت، زێدەباری کیمیایێ بیاڤێن زانستێن ژینگەهێ، بایۆلۆژی، ئەندازیارییا کیمیایێ و چەند بیاڤێن دیتر دشێن ببنە ئەندام د ئەڤێ کومەلێ دا.
بۆ زانین؛ هەر کەسێ ببیتە ئەندام د ڤێ کومەلێ دا، د شیان دایە مفای ببینیت ژ خۆلێن ڕاهینانان و پشکداریێ د کەمپێن هاڤینێ و پشتەڤانیا دارایی وەربگریت و ڤەکۆلینان و پروژێن دەرچوونێ ئەنجام بدەت و پشتەڤانیێ ژ وان وەرگریت بۆ سەرەدانێن زانستی بۆ وەلاتێ ئەمریکا، هەروەسا ب ڕێکا وان پشکدار ببیت دخولێن زانستی دا.
ل دوماهیێ، ستاف و ئەندامێن چاپتەرى سوپاسیا ڕێزداران سەرۆکێ زانکۆیێ (د. ناظم سلیمان عبدالعزيز) و ڕاگرا کۆلیژا زانست (د. ديار احمد بليج) کرن ژبەر پشتەڤانیا وان یا بەردەوام بۆ چاپتەرێ کیمیایێ یێ کۆلیژا زانست ل زانکۆیا زاخۆ.